𐴇𐴥𐴝𐴔𐴞𐴥𐴓

 𐴇𐴥𐴝𐴔𐴞𐴥𐴓

𐴑𐴞 𐴀𐴡𐴐𐴝𐴤𐴕𐴃𐴞𐴤𐴌 𐴎𐴢𐴢𐴓𐴝𐴂 𐴔𐴝𐴘𐴧𐴝𐴉𐴢𐴥𐴢𐴖𐴝𐴙𐴕𐴡𐴃𐴧𐴞

𐴁𐴢𐴢𐴎𐴝𐴤𐴘𐴃𐴡𐴤 𐴏𐴝𐴙𐴓𐴠𐴥 𐴁𐴢𐴢𐴎𐴝𐴤𐴘 𐴑𐴢𐴢𐴓𐴒𐴡𐴌𐴞𐴥 𐴕𐴡𐴉𐴝𐴌𐴞𐴥

𐴇𐴞𐴥𐴘𐴝𐴕 𐴇𐴡𐴕𐴊𐴞𐴓𐴧𐴝 𐴊𐴢𐴢𐴑 𐴀𐴝𐴌 𐴑𐴠𐴦𐴕 𐴀𐴡𐴐𐴝𐴤𐴕𐴃𐴤𐴞.

𐴔𐴝𐴐𐴡𐴤𐴌 𐴐𐴤𐴢𐴢𐴌𐴢𐴢𐴌 𐴓𐴡𐴥𐴃𐴞𐴤 𐴔𐴢𐴢𐴦𐴊𐴠𐴀𐴠 𐴊𐴢𐴢𐴑𐴧𐴡𐴤𐴌 𐴎𐴝𐴌𐴞

𐴒𐴢𐴢𐴌𐴒𐴢𐴢𐴌𐴝𐴘 𐴏𐴡𐴑𐴧𐴡𐴌 𐴊𐴠𐴀𐴠 𐴔𐴝𐴃𐴝𐴤 𐴕𐴞𐴃𐴧𐴞

𐴇𐴡𐴀𐴡𐴥𐴘 𐴕𐴡𐴉𐴝𐴌𐴞𐴥 𐴑𐴞𐴘𐴡𐴥𐴌𐴠𐴥𐴘𐴡 𐴔𐴢𐴢𐴑 𐴑𐴢𐴢𐴤𐴓𐴞

𐴇𐴡𐴗 𐴀𐴡𐴓𐴝𐴕𐴞 𐴒𐴡𐴙𐴃𐴧𐴠 𐴒𐴡𐴙𐴃𐴧𐴠 𐴀𐴡𐴥𐴙𐴎𐴝𐴒𐴡𐴤𐴘 𐴕𐴞𐴐𐴡𐴤𐴃𐴧𐴞𐴤.

𐴇𐴝𐴥𐴃 𐴄𐴠𐴤𐴚 𐴔𐴡𐴙𐴃𐴧𐴠 𐴔𐴡𐴙𐴃𐴧𐴠 𐴉𐴡𐴌𐴝𐴕𐴡𐴃 𐴇𐴡𐴙𐴐𐴝𐴤𐴓𐴞𐴥

𐴏𐴞𐴏𐴧𐴞𐴘𐴝 𐴑𐴠𐴣𐴐𐴡𐴤𐴌 𐴒𐴢𐴢𐴤𐴌𐴝𐴌 𐴓𐴡𐴃𐴞

𐴏𐴞𐴏𐴧𐴞𐴘𐴝 𐴑𐴠𐴣𐴓𐴡𐴥𐴌 𐴇𐴡𐴥𐴣𐴓𐴝𐴥 𐴑𐴠𐴤𐴣𐴏𐴞𐴥

𐴇𐴡𐴥𐴕𐴠 𐴁𐴢𐴢𐴎𐴠𐴤𐴌 𐴀𐴝𐴣𐴦𐴌𐴝𐴥𐴌 𐴒𐴡𐴃𐴞

𐴀𐴝𐴇! 𐴁𐴡𐴊𐴧𐴝𐴐𐴞 𐴔𐴝𐴘𐴧𐴝𐴌 𐴎𐴝𐴃𐴞.

𐴀𐴝𐴓𐴧𐴝𐴇 𐴀𐴝𐴓𐴧𐴝𐴇 𐴒𐴡𐴌𐴞𐴥 𐴑𐴡𐴓𐴔𐴝 𐴊𐴢𐴢𐴖𐴝 𐴉𐴡𐴌𐴞𐴥

𐴑𐴠𐴦𐴕 𐴑𐴠𐴦𐴕 𐴊𐴢𐴢𐴑𐴧𐴡𐴤𐴌 𐴉𐴝𐴥𐴌 𐴉𐴝𐴌𐴒𐴡𐴌𐴞

𐴇𐴝𐴍𐴝𐴘 𐴉𐴠𐴥𐴓𐴝𐴘 𐴕𐴡 𐴔𐴝𐴥𐴙𐴐 𐴊𐴡𐴐 𐴊𐴞𐴕

𐴃𐴝𐴘 𐴒𐴡𐴌𐴞𐴥 𐴉𐴠𐴥𐴓𐴝𐴘 𐴕𐴡 𐴔𐴝𐴥𐴙𐴐 𐴊𐴡𐴐 𐴊𐴞𐴕.

𐴎𐴠𐴇𐴡𐴥𐴕 𐴇𐴡𐴦𐴣𐴍𐴞 𐴊𐴡𐴤𐴌𐴠𐴥 𐴑𐴠𐴣𐴙𐴓 𐴀𐴡𐴃𐴧𐴢𐴢𐴤𐴕

𐴎𐴝𐴦𐴒𐴡𐴙𐴉𐴝𐴥𐴕 𐴓𐴝𐴒𐴠 𐴉𐴡𐴌𐴝𐴕 𐴉𐴞𐴎𐴝𐴌𐴝𐴃𐴧𐴢𐴢𐴤𐴕

𐴔𐴝𐴉 𐴏𐴝𐴦𐴘𐴉𐴝𐴥𐴓𐴝𐴘 𐴉𐴡𐴃𐴧𐴞𐴤 𐴀𐴠𐴑 𐴎𐴡𐴕 𐴀𐴡𐴃𐴧𐴢𐴢𐴤

𐴀𐴝𐴐𐴝𐴤 𐴎𐴝𐴒𐴡𐴤𐴘 𐴁𐴝𐴤𐴐𐴞 𐴊𐴢𐴢𐴕𐴞𐴛𐴝𐴙𐴃𐴧𐴢𐴢𐴤

𐴀𐴡𐴇 𐴀𐴝𐴓𐴧𐴝𐴇 𐴌𐴠𐴥! 𐴁𐴝𐴏𐴝 𐴀𐴠 𐴔𐴡𐴏𐴞𐴁𐴡𐴃 𐴀𐴡𐴃𐴧𐴢𐴢𐴤

𐴀𐴡𐴇 𐴀𐴝𐴓𐴧𐴝𐴇! 𐴁𐴝𐴏𐴝 𐴀𐴠 𐴔𐴡𐴏𐴞𐴁𐴡𐴃 𐴀𐴡𐴃𐴧𐴢𐴢𐴤 ...

𐴔𐴝𐴐𐴡𐴤𐴌 𐴉𐴡𐴥𐴌 𐴔𐴝𐴙𐴐 𐴀𐴠𐴕𐴃𐴠𐴎𐴝𐴌 𐴒𐴡𐴌𐴞𐴥

𐴒𐴡𐴤𐴕𐴋𐴝𐴤𐴌 𐴉𐴡𐴥𐴌 𐴒𐴡𐴤𐴕𐴋𐴝𐴤 𐴏𐴡𐴦𐴛 𐴒𐴡𐴌𐴞𐴥

𐴊𐴢𐴢𐴑𐴧𐴡𐴤𐴌 𐴉𐴡𐴥𐴌 𐴊𐴢𐴢𐴑 𐴁𐴡𐴊𐴧𐴝𐴐 𐴒𐴡𐴌𐴞𐴥 

𐴉𐴝𐴘𐴧𐴞𐴥 𐴉𐴢𐴢𐴎𐴡𐴓𐴞 𐴔𐴝𐴦𐴌 𐴏𐴢𐴢𐴑𐴡𐴤𐴌 𐴉𐴢𐴢𐴃𐴢𐴢𐴓𐴞

𐴀𐴡𐴇 𐴎𐴝𐴊𐴢𐴢! 𐴃𐴡𐴌 𐴔𐴢𐴢𐴑 𐴊𐴠𐴑𐴞𐴤 𐴀𐴡𐴑𐴧𐴡𐴤𐴓 𐴊𐴢𐴢𐴑 𐴉𐴡𐴦𐴌𐴞𐴥.

𐴓𐴠: 𐴏𐴞𐴊𐴧𐴞𐴑𐴝𐴤

𐴌𐴢𐴢𐴇𐴝𐴙𐴚𐴒𐴙𐴝 𐴎𐴢𐴢𐴁𐴝𐴕 𐴀𐴝𐴌𐴝𐴑𐴝𐴕 𐴁𐴠𐴌𐴝𐴕𐴆

ROHINGYA ZUBAN ARAKAN BRANCH